Pages

8/03/2010

منجانب اہلیان کراچی

لو جی ہمیں آج تک اہلیان کراچی و کراچی کے شہریوں کی سمجھ نہیں آئی! بلکہ یوں کہنا چاہئے کہ یہ سمجھ نہیں آئی کہ یہ دراصل اہلیان کراچی و کراچی کے شہری ہیں کون؟؟
کیا آپ کو سمجھ ہے؟ یا آپ بھی میری طرح ہی ہیں! نا سمجھ؟ اب دیکھے ناں ایک دن آپ صبح صبح دفتر کے لئے یا کام سے نکلتے ہیں تو شہر میں بینر لگے ہوتے ہیں،
شہر میں طالبانائزیشن نا منظور منجانب اہلیان کراچی!
کبھی
لینڈ مافیا اور ڈرگ مافیا نامنظور اہلیان کراچی!
کہیں!
کراچی کے شہری بھتہ مافیاں اور دہشت گردوں کی بدمعاشی برداشت نہیں کرے گے!
یہ بینر کالے یا سفید رنگ کے کپڑے پر ہوتے ہیں! حیران کن بات یہ کہ یہ "نامعلوم" اہلیان کراچی چار سے آٹھ گھنٹے میں تمام کراچی میں بینر نصب کر دیتے ہیں اور ان کا پتہ بھی نہیں چلتا! اور کہیں کراچی بچاؤ تحریک کے پوسٹر لگے ہوتے ہیں!! جس میں کراچی کے شہریوں کو مخاطب کیا ہوتا ہے۔
جیسے ہی کراچی کے حالات کسی بھی ABC وجہ سے خراب ہوں! نام نہاد لیڈر، رہنما، سیاستدان اور بھائی کراچی کے شہریوں کو پُرامن رہنے کی تلقین کر رہے ہوتے ہیں جبکہ کہ حقیقت میں کراچی کے شہری خود امن کی دعا مانگ رہے ہوتے ہیں! جان بچا کر بھاگ رہے ہوتے ہیں! اپنی گاڑیوں کو جلنے سے بچانے کی جدوجہد میں مصروف ہوتے ہیں!نہ کہ امن کو تباہ کرنے میں اپنی توانائیاں خرچ کر رہے ہوتے ہیں!
خدا کرے کل کو واقعی اصلی والے اہلیان کراچی پورے کراچی میں بینرز بنا کر لگا دیں! جس پر درج ہوں
تمام سیاسی ، مذہبی و لسانی جماعتوں و گروہوں کو آگاہ کیا جاتا ہے کہ اپنی ذاتی سوچ و خیال اور ایک دوسرے پر لگائے جانے والے الزامات براہ راست ایک دوسرے تک پہنچاؤ ہمارا نام استعمال نہ کیا جائے منجانب اہلیان کراچی!



16 تبصرے:

Haroon Idrees نے لکھا ہے کہ

Good One ,gr8 article shoaib bahi

تمام سیاسی ، مذہبی و لسانی جماعتوں و گروہوں کو آگاہ کیا جاتا ہے کہ اپنی ذاتی سوچ و خیال اور ایک دوسرے پر لگائے جانے والے الزامات براہ راست ایک دوسرے تک پہنچاؤ ہمارا نام استعمال نہ کیا جائے منجانب اہلیان کراچی!

Saad نے لکھا ہے کہ

یہی جذبات باقی پاکستانیوں کے بھی ہیں
:)

عنیقہ ناز نے لکھا ہے کہ

یہ اوپر والے تبصرے تو غیر اہلیان کراچی کے ہیں۔ اب کراچی والا آپ سے براہ راست کچھ کہے تو آپ برا مان جاتے ہیں۔ اور کچھ کا تو تبصرہ بھی ڈیلیٹ کر دیتے ہیں۔ اسکا کیا کریں۔

شعیب صفدر نے لکھا ہے کہ

عنیقہ میں نے صرف عبداللہ کے تبصرے مٹائے ہیں اب تک اور وہ جو اپنا درست نام نہیں لکھتے!۔
اور عبداللہ کا کوئی تبصرہ کبھی بھی ہو گا خواہ کچھ بھی ہو میں نے مٹا دینے ہیں!آپ کا کب مٹایا!! اور کبھی مٹاؤ گا تو وجہ بھی بتا دوں گا!!۔
اوپر ہارون تو کراچی کے ہیں اور سعد کو آپ ایسے ہی لیں جیسے کراچی کے واقعات پر سرحد کے وزیر اطلاعات افتخار صاحب پریس کانفرنس کرتے ہیں! :)

میرا پاکستان نے لکھا ہے کہ

ہم نے آپ کی ابھی پوسٹ ہی پڑھی تھی کہ ہمارے بھی دل میں اسی طرح کا بینر لگانے کا خیال آیا۔ بلکہ ہم تو کہیں گے کہ شہری حکومت کو ایسے بینرز لگانے کی اجازت نہیں دینی چاہیے جس پر کسی تنظیم، ادارے یا پارٹی کا نام موجود نہ ہو۔ اگر کوئی اہلیان کراچی کی طرف سے بینر لگائے تو اسے مقامی حکومت کو اتار دینا چاہیے۔

محمداسد نے لکھا ہے کہ

دیکھیں بھائی، یہ بینر مفت میں تو بنتے نہیں۔ اور نام معلوم شہریوں کو ہٹا کر کوئی بھی بھتہ وغیرہ نہیں لے سکتا۔ تو ایسے بینر نظر آنے کی امید کم کم ہی ہے۔ :)

Noumaan نے لکھا ہے کہ

:)

بہت اچھا۔ میں نے آپ کی یہ پوسٹ پہلے نہیں پڑھی وہ تو آج ہارون بھائی نے شئیر کی تو نظر سے گزری۔

اہلیان کراچی کے ساتھ ساتھ اہلیان محلہ کے بینر بھی اظہار تشکر کے موقعوں پر باندھے جاتے ہیں

خرم ابن شبیر نے لکھا ہے کہ

اہلیان کراچی اسی طرح کے بینر میں نے راولپنڈی میں بھی دیکھے تھے اس میں صرف کراچی کی جگہ پنڈی تھا مطلب راولپنڈی تھا آپ کے بینر میں اہلیان کراچی کراچی کی جگہ اگر اہلیان پاکستان لکھا دیا جائے تو کیا ہی بہتر ہو

جعفر نے لکھا ہے کہ

وکیل صاحب، آپ نے اپنا کیس بہت اچھے طریقے سے پیش کیا

عنیقہ ناز نے لکھا ہے کہ

انکے تبصروں میں تو میں نے گالیاں نہیں دیکھیں۔ تو اسکا مطلب یہ ہے کہ آپ انکے تبصڑے برداشت نہیں کر سکتے اس لئے ہٹا دئیے۔ اس لئے کہ خود تو آپ وہ سب کچھ لکھیں گے جو آپکی جانبداریت میں صحیح ہوتا ہے۔ پھر اس بات کی خواہش عبث ہے کہ لوگ براہ راست آپ تک خچھ پہنچائیں۔ آپ انکا اعتماد نہیں رکھتے اور نہ حاصل کرنے کی خواہش رکھتے ہیں۔ اتنا بھی حاصل کرنے کی خواہش نہیں رکھتے کہ انکے تبصروں کا جاب نہ دیں لیکن انہیں انکی جگہ پہ رہنے دیں۔
مجھے امید نہیں تھی کہ آپ ایسا کریں گے۔
جماعت کے ہمدردوں سے سوال ہے کہ، جماعت بھتہ نہیں لیتی، لیکن انکی طرف سے بھی یہ بینر میں نے لگے دیکھے ہیں۔ ابھی نعمت اللہ خان صاحب کے دور میں یہی ہو رہا تھا۔ انہیں فنڈ کون دیتا ہے۔ مذہبی تعصب بھی تعصب ہی ہوتا ہے۔ بس یہ کہ یہ داڑھی والے دہشت گرد کے پیچھے ہاتھ باندھ کر کھڑا ہوتا ہے۔

افتخار اجمل بھوپال نے لکھا ہے کہ

کچھ کراچی والے ہيں اور باقی اہاليانِ کراچی ۔ کراچی والے اہاليانِ کراچی کو اپنی مرضی سے کچھ کرنے حتٰی کہ کہنے کی بھی اجازت نہيں ديتے ۔
کراچی والے وہ ہيں جو پچھلی چار پانچ دہائيوں ميں کراچی ميں پيدا ہوئے يا باہر سے آئے مگر وہ الطاف حسين کے مريد ہيں ۔
اہاليانِ کراچی ميں کراچی منتقل ہون والے پاکستانی بھی ہيں اور پاکستان بننے سے پہلے اور پاکستان بننے کے بعد ہجرت کر کے کراچی ميں سکونت اختيار کرن والے بھی ۔
اگر ميں ان کی آواز آپ تک پہنچاؤں تو اعتراض ہو گا کہ ميں کراچی سے باہر والا ہوں ۔
کمال تو يہ ہے کہ ميرے جيسوں کو کراچی سے باہر والا کہہ کر تبصرہ کا حق نہ دينے والۓ خود کراچی سے باہر ہر جگہ اور ہر شخص پر نہ صرف تبصرہ کرتے ہيں بلکہ رقيق حملے بھی کرتے ہيں

یاسر خوامخواہ جاپانی نے لکھا ہے کہ

عنیقہ جی عبد اللہ کی گگ۔۔۔۔۔۔۔۔۔۔۔۔۔۔۔۔۔۔ ۔۔۔۔۔گا لیاں
نعمان جی کی بلاگ پر پڑگئے۔
نہیں تو سعد کے بلاگ پر۔
ہم تو مہاجر ہیں اور اہلیان جاپان و ٹوکیو ہیں۔
بڑے سکون کی گذر رہی ھے۔
نہ عذاب نہ عتاب
دھواں ہی پہونچتا ھے۔
ان بلاگ کے تبصروں سے۔

شعیب صفدر نے لکھا ہے کہ

عنیقہ مجھے امید تھی کہ آپ اُس بے ہودہ تبصرہ نگار کی حمایت کری گی!۔
آپ کو اختیار ہے آپ اپنے بلاگ پت تعصبی "نامعلوم" تبصرہ نگاروں کے تبصرے رہنے دیں تو مجھے بھی اختیار ہونا چاہئے کہ میں اپنے بلاگ پر بےہودگی پر مبنی تبصرہ مٹادوں کہ بات بڑھ نہ جائے۔
تعصب نفرت کے بیج بوتی ہے! اور اُن صاحب میں سر سے پیر تک تعصب ہے۔ انہیں یہ اختیار تو حاصل ہے کہ وہ آپ کے بلاگ پر اس ستم ظریفی کی شکایت بصورت تبصرہ کر دے اور آپ کو یہ کہ اُن کے تبصرہ پر مرہم رکھتے ہوئے تحریر لا لنک بھی مانگ لیں! بات ختم۔

عین لام میم نے لکھا ہے کہ

ایک غیر کراچی والے کی طرف سے اس بینر کی پنجاب میں بھی منظوری قبول کیجئے۔ :)۔

طالوت نے لکھا ہے کہ

تمام سیاسی ، مذہبی و لسانی جماعتوں و گروہوں کو آگاہ کیا جاتا ہے کہ اپنی ذاتی سوچ و خیال اور ایک دوسرے پر لگائے جانے والے الزامات براہ راست ایک دوسرے تک پہنچاؤ ہمارا نام استعمال نہ کیا جائے

سو فیصد اہلیان کراچی۔

نوٹ: شہادت کا ڈر نہ ہوتا تو بندہ ثبوت میں تعلیمی اسناد و شاختی کارڈ وغیرہ پیش کر دیتا۔

shaper نے لکھا ہے کہ

janab shoiab bhai app kay liya hai... app iss video ko dekhain aur batain .. MQM or ANP main kya farq hai

http://www.youtube.com/watch?v=xmSJFyNID_U&feature=player_embedded

اگر ممکن ہے تو اپنا تبصرہ تحریر کریں

اہم اطلاع :- غیر متعلق,غیر اخلاقی اور ذاتیات پر مبنی تبصرہ سے پرہیز کیجئے, مصنف ایسا تبصرہ حذف کرنے کا حق رکھتا ہے نیز مصنف کا مبصر کی رائے سے متفق ہونا ضروری نہیں۔

بد تہذیب تبصرے حذف کر دیئے جائیں گے

نیز اپنی شناخت چھپانے والے افراد کے تبصرے مٹا دیئے جائیں گے۔