11/26/2011

یادداشت یعنی memo

اؤئے یہ میمو گیٹ والا کیا معاملہ ہے؟
“کیوں؟ تجھے اس سے کیا لینا ہے؟”
یار ویسے ہی پوچھ رہا ہوں ہر بندہ ہی اس کی بات کرتا ہے، اس لئے پوچھ رہا تھا۔
“کچھ نہیں ہے بس ذرا فوج و حاکم مل کر 'مخول' کر رہے ہیں”
کیا مطلب ہے تمھارا؟ حسین حقانی کو سفارت سے ہٹا دیا، فوج کی مرضی کا سفیر بھیجنے کے بجائے وہ شیری رحمان کو اسمبلی سے استعفیٰ لے کر سفیر بنا کر بھیج دیا، اس مراسلے پر تفتیش ہو رہی ہے اور تمہیں یہ مخول لگتا ہے؟
“اُس میمو یا مراسلے کو چھوڑ، یہ دیکھ جہاں فوجی جرنیل و حاکم ملک میں ہونے والے ڈراؤن حملے نہ روک سکیں، دوسرے ملک کے کی فوج ملک میں داخل ہو کر فوجی کاروائی کر جائے انہیں خبر نہ ہو، دوسری فوج کے طیارے سرحدی چوکیوں پر حملہ کر کےاپنے فوجی مار جائے اور اپنی فوج کا سربراہ صرف مذمتی بیان جاری کرے۔ ابے وہاں ایک مراسلے پر تماشہ لگےیہ مخول ہی تو ہے”
تمہارا مطلب ہے کہ جرنیل و حاکم آپس میں مخول کر رہے ہیں؟
“نہیں تو”
یہ کیا مذاق ہے آپس میں تو کس سے؟ تو نے مجھے پاگل سمجھ رکھا ہے کیا؟
“ابے مخول تو یہ تیرے و میرے سے کر رہے ہیں، یعنی عوام سے۔ آپس میں تو ان کی یہ لڑائی سوکنوں والی ہے جو پیا من کو بھانے کو لڑتی ہیں، بس پیا کو یقین آ جائے میں اُس کی سکی ہوں دوسری تو ڈرامے باز۔کام ہو جائے آج جو یاداشت دجہ تنازعہ ہے وہ کل کسی کی یاداشت میں نہ ہو گی”

4 تبصرے:

  1. بات تو سچ ہے مگر بات ہے رسوائی کی
    جرنیل صاحب بھی اخیر سٹوپڈ بیانات دے رہے ہیں کہ جانی نقصان کا ضیاں وارا نہیں کھاتا۔۔۔۔
    کوئی ان سے پوچھے سرکار لت، باں یعنی ہاتھ پاوں توڑ جائے وہ وارا کھاتا ہے؟

    جواب دیںحذف کریں
  2. میں تو یہ کہتا ہوں کہ اگر سارا کچھ جرنیلوں نے ہی طے کرنا ہے تو پھر ان ذرداریوں، گیلانیوں، شیروانیوں، عمرانیوں، شریفوں بدمعاشوں کی فوج پالنے کی کیا ضرورت ہے، کرتو یہ مخول ہی رہے ہیں مگر ہم حق بات یہ کہ ہم ابھی تک بابا رحمت کی کہانی کے بنگالی کی طرح یہی کہہ رہے ہیں کہ اب کے مار کے دکھا۔۔۔۔ دیکھیں کیا ہوتا ہے؟؟؟ ہو سکتا ہے ایک دن ہم بھی بنگالی بن ہی جائین کہ جب کوئی ادھر تم ادھر ہم کہے تو ہم نکل لیں۔۔۔۔ وہ دن جلد آجائے تو اچھا ہے

    جواب دیںحذف کریں
  3. کہتے تو ہم بھی یہی ہیں کہ اب مار کےدکھاو
    اور جب وہ مارتا ہے تو ہم کہتے ہیں تمہیں تو ویسے ہی عادت ہے یا تم پاگل ہو
    :D

    جواب دیںحذف کریں
  4. وکیل ساب نظر رکھئے گا۔
    یہ سودا کتنے ڈالروں میں طے ہوتا ہے۔

    جواب دیںحذف کریں

بد تہذیب تبصرے حذف کر دیئے جائیں گے

نیز اپنی شناخت چھپانے والے افراد کے تبصرے مٹا دیئے جائیں گے۔