12/02/2006

جرنل جی


پکے پَیر جما نہ لینا جرنل جی
لمے ڈیرے لا نہ رہنا جرنل جی

وِچ مدانے عیب اُچھالے جیہاں دے
بُکّل وِچ لُکا نہ لینا جرنل جی

گند مُکا کے گھر دی چابی موڑ دیو
گھرنوں جپّھاپا نہ لینا جرنل جی

بچیا کھچیا جیہڑا گھر دے چوراں توں
کِدھرے تُسیں اُڑا نہ لینا جرنل جی

دِتّیاں نیں بندوقاں اپنے دشمن لئی
ساڈے ول گُھما نی نہ لینا جرنل جی

جتّھوں تِیکر حد تہاڈی ٹھیک تُسیں
حّدوں پَیرودھیانہ لینا جرنل جی

آنہ جائیے سڑکاں اُتّے منگن لئی
ساڈا حق دبا نہ لینا جرنل جی

مارن دے لئی اپنے گھر دے سچّیاں نوں
پتّھر جھولی پا نہ لینا جرنل جی

چڑھدی بڑی خُماری سِرنوں چودھردی
کِدھرے رَب بُھلا نہ لینا جرنل جی

کالی وِچ کتابے اوہناں وانگ تُسیں
اپنا ناں لکھوا نہ لینا جرنل جی

خود غرضی دی مل سیاہی شیشے تے
ساڈے مونہہ کُھلوا نہ لینا جرنل جی

وگدے ساڈے زخماں اُتّے دُھوڑن لئی
لُون کِتے منگوا نہ لینا جرنل جی

سولی چاہڑن ویلے بھیڑے لوکاں چوں
اپنے یار بچا نہ لینا جرنل جی

یہ نظم مشرف کے دور کے ابتدائی سالوں میں چھپی تھی!!! شاعر کوئی “بابا نجمی“ ہے!!!

1 تبصرہ:

  1. دیکھ لیں جی شاعر کی قوّت خیال ـ
    که آپنے جرنل صاحب سب وهی کر رهے هیں جن کو نه کرنے کا ترلا(درخواست) شاعر کر ره هے ـ

    جواب دیںحذف کریں

بد تہذیب تبصرے حذف کر دیئے جائیں گے

نیز اپنی شناخت چھپانے والے افراد کے تبصرے مٹا دیئے جائیں گے۔