7/27/2009

دیہاڑی دار

اِک دیہاڑے انکّھاں والا اک مزدور
سڑک کنارے
وانگ کبُوتر اکھّاں مِیٹی
تِیلے دے نال ماں دھرتی دا سینہ پھولے
خورے کنک دادا نہ لبھّے
رمبّا کہئی تے چِھینی ہتھوڑا
گینتی اپنے اَگے دھر کے
چوری اکھّیں ویکھ کے اپنے آل دوالے
کر کے مُوہنہ اسماناں ولّے
ہولی ہولی بھیڑے بھیڑے اَکھّر بولے
اُچّی اُچّی
اُچیا ربّا، سچیا ربّا، چنگیا ربّا
تو نہیوں ڈبیاں تارن والا
ساری دنیا پالن والا
جتّھوں کل اُدھار اے کھاہدا
اُوتھے وی اے اج دا وعدہ
میری اج دیہاڑی ٹُٹّی
میرے دل چُوں تیری چُھٹّی
اُچیا ربّا سچیا ربّا چنگیا ربّا
پنجاں کلیاں مگروں جہیڑا
میرے ویہڑے کھِڑیا پُھل
باہحھ دوائیوں
پُونی ورگا ہوندا جاوے
میرے مستوبل کا دیوا
ویکھیں کِدھرے بُجھ نہ جاوے
اُچیا ربّا سچیا ربّا چنگیا ربّا
اَج نئیں جانا خالی ہتھ
ویچاں بھانویں اپنی رت
شاعر: بابا نجمی

3 تبصرے:

  1. اللہ تعالی کی بنائی ہوئی اس دنیا میں انسان کس قدر مشکل میں ہیں، ہم اندازا نہیں کر سکتے
    ہم آرام سے اپنے گھر، دفتر میں رہتے ہیں ہمیں سڑک کنارے کھڑے اس مزدور کی تکلیف کی کیا خبر

    بہت عمد نظم ہے

    جواب دیںحذف کریں
  2. کیا خوبصورت اور فکر انگیز کلام ہے، بہت خوب۔
    بقول اقبال
    جس کھیت سے دہقاں کو میسر نہ ہو روزی
    اس کھیت کے ہر خوشہ گندم کو جلا دو

    جواب دیںحذف کریں
  3. Punjabi Shaire Kia baat ha Thanks G . Kmai >

    جواب دیںحذف کریں

بد تہذیب تبصرے حذف کر دیئے جائیں گے

نیز اپنی شناخت چھپانے والے افراد کے تبصرے مٹا دیئے جائیں گے۔