1/08/2010

چور تے کُتے

چور تے کتے رلدے پئے جے
تیل ڈنڈاں نوں ملدے پئے جے

کر لو بندوبست ہن اپنا
نئیں تے سدا لئی جے کھپنا
ٹٹجاوء گا ہر اک سپنا
وکھرا لُچ کوئی تلدے پئے جے

چور تے کتے رلدے پئے جے
تیل ڈنڈاں نوں ملدے پئے جے

خورے کاہدا شوق نے ایڈھا
ملے ایہناں نوں ملک جو میڈھا
ایہہ قصائی میں اک بھیڈا
چھریاں سل تے ملدے پئے جے

چور تے کتے رلدے پئے جے
تیل ڈنڈاں نوں ملدے پئے جے

اگے ایہناں گھٹ نئیں کیتی
قوم دی رتّ انھّے واہ پیتی
وڑ جان بھاویں وچ مسیتی
جھوٹھ دے دیوے بلدے پئے جے

چور تے کتے رلدے پئے جے
تیل ڈنڈاں نوں ملدے پئے جے

لوکو اپنا دیس بچاؤ
کتیاں کولوں جان چھڈاؤ
ایہناں چوراں نوں مگروں لاؤ
قوم دی رتےّ پلدے پئے جی

چور تے کتے رلدے پئے جے
تیل ڈنڈاں نوں ملدے پئے جے

شاعر= نامعلوم